کپتان اکیلا کچھ بھی نہیں کر سکتا ،کوشش کروں گا مصباح الحق کی طرح ٹیم کو لے کر چلوں :سرفراز احمد

لاہور(ڈیلی پاکستان آن لائن )قومی کرکٹ ٹیم کے کپتان سرفراز احمد نے کہا ہے کہ بڑے بڑے ٹارگٹ پر دھیان نہیں دیتا ،میری ساری توجہ چھوٹے ٹارگٹس پر ہے ،کپتان اکیلا کچھ بھی نہیں کر سکتا، کوشش ہوگی کہ مصباح کی طرح پوری ٹیم کو ساتھ لیکر چلوں۔ان کا کہنا تھا کہ پاکستان کی فیلڈنگ اور بیٹنگ میں بھی بہتری آئی ہے۔میڈ یا سے گفتگو کرتے ہوئے انہوں نے کہا کہ کوشش ہو گی پہلے ٹیسٹ میچ سے جیت کا آغاز کریں، نوجوان کھلاڑی اپنی غلطیوں سے سیکھ رہے ہیں، امید ہے وہ سری لنکا کے خلاف اچھی کارکردگی دکھائیں گے۔ سرفراز احمد نے کہا ہماری بولنگ اور بیٹنگ دونوں متوازن ہیں، انضمام الحق بطور چیف سلیکٹر مجھے بہت سپورٹ کر رہے ہیں اور میری رائے کا بہت خیال رکھتے ہیں۔ قومی کپتان نے کہا پوری ٹیم اور مینجمنٹ کا ایک ہی پیج پر ہونا خوش آئند ہے۔